amo ergo sum!

Liafuan diak barak bele ita reflekte husi Evangelho ida ne’e. Maibe ha'u hakarak reflekte kona ba versikulu 28 de'it.   Bainhira ita moras, ita hakarak atu hetan diak fali. Ita hanoin tebes ita nia isin lolon ne'e bainhira ita moras. Ita la-persija barak. Ida de'it mak ita persija: ita hakarak atu hetan diak fali. Bainhira ita moras, ita la-hanoin kona ba ropa ne'ebe mak diak ka furak atu ita uza. Ita uza de'it ropa ne'ebe mak iha.   Ne'e los duni! Ita nia esperiensia ne'e toman no hanesan ho Jesus nia hanorin iha Liafuan diak ida ne'e: "Ita nia isin lolon nia folin bo'ot liu ita nia hatais ka ropa" (hare vers. 25). Dalaruma ita hadomi ita nia ropa liu fali ita nia isin lolon. Tan ne'e dalaruma ita uza ropa halo tuir artista sira, maibe ita la-konsidera-an katak, dalaruma ita sakrifika ita nia isin lolon ou ita husik ita nia-an atu ema hare no satisfika sira nia matan de’it. Ita gosta liu atu ema seluk han...